WwW.Shaxrisabz.Ucoz.Ru

Internetda pul ishlash mumkinmi?

SuperMan — Sat, 12 Jun 2010 17:47:33 GMT

Internetda pul ishlash mumkinmi?
Ko'pchilik Internetdan foydalanuvchilarni shu savol qiynaydi. Bu savolning javobi juda oddiy: "HA, ISHLASH MUMKIN"
Qanday qilib deysizmi juda oson.
Buning uchun siz ushbu saytlardan ro'yhatdan o'tishingiz va ularda joylashtirilgan reklamalarni ko'rishingiz lozim.
Sizga reklamalarni ko'rganingiz uchun pul to'lashadi. Ishonmasligingiz mumkin, ammo bu haqiqat.
Chunki o'z saytini reklama qiluvchilar ushbu saytlarga to'lashadi.
Shunday saytlardan biri bux.to saytidir.
Ushbu saytda ro'yhatga o'tish uchun bu yerga bosing.
Referrer ya'ni taklif etuvchi deb yozilgan maydonda MrSuperman deb yozing va Siz ro'yhatdan o'tkanizda sizga bu uchun 0.09$ beriladi.
Ushbu saytda ro'yhatga o'tish uchun sizga AlertPay hisobi zarur. AlertPayhisobini ochish uchun bu yerga bosing.
Ro'yhatdan o'tib bo'lganingizdan so'ng saytga kiring.
"SURF ADS" ustiga sichqonchani bossangiz reklamalar ro'yhati ko'rsatiladi.
Har bir reklama ustiga bosing va u ochilgach "DONE" degan yozuv paydo bo'lguncha kuting.
Shunday qilib har bir reklamani ko'rib chiqing.
Qo'shimcha ma'lumotlar uchun bu yerga bosing. Yoki [email=shahzod_rahmon@mail.ru]xabar yo'llang[/email].

Barchaga omad va baxt tilayman.

QO'SHIMCHA DAROMAD SIFATIDA TAKLIF ETAMIZ, ASOSIY EMAS.

Гўшт ва лавлагили салат

Ангелочка — Tue, 04 Aug 2009 04:55:32 GMT

Керакли маҳсулотлар:
Пишган мол гўшти-80 гр.
Пишган картошка-2 дона.
Тузланган бодринг-2 дона.
Пишган лавлаги-1 дона.
Пишган тухум-2 дона.
Майонез-3 ош қошиқ.
Кетчуп-1-2 чой қошиқ.
Туз.
Мурч.
Кўкатлар.

Тайёрланиши:
Мол гўшти ва қолган масаллиқлар ҳам лаппак шаклида тўғралади. Тайёрлаб олинган маҳсулотлар аралаштирилиб, туз, мурч, майонез ҳамда кўкатлар қўшилади. Салатга кўкатлардан безак берилади.

L A T I F A

Ангелочка — Mon, 03 Aug 2009 16:33:53 GMT

Ikki qarg‘a daraxt shoxida o‘tirishgandi. Tepalaridan harbiy samolyot uchib o‘tdi. Biri ikkinchisidan so‘radi:

— Anavi qushcha namuncha tez uchadi?

— Seniyam dumingni yoqib yuborishsa, ko‘rardim qanday uchishingni!

J J J

Poezd kuzatuvchisiga yo‘lovchilardan biri dedi:

— Iltimos, meni Buxoro bekatiga yetganda uyg‘otib qo‘ysangiz!

— Buxoroda tushasizmi?

— Yo‘q, narigi kupedagi tanishim Samarqandda tushishi kerak. Bekatidan o‘tib ketib, asabiylashishini bir ko‘rsam, degandim.

J J J

— Kecha tishimni oldirdim.

— Og‘riyaptimi?

— Bilmadim, tish do‘xtirida qolgan.

J J J

Sartarosh eski tanishining sochini olayotib, dedi:

— Sochlaringiz to‘kila boshlabdi. Soch to‘kilishiga qarshi biror chora o‘ylab topmadingizmi?

— Topdim.

— Qanaqa chora?

— Yaqinda xotinim bilan ajrashayapman.

J J J

Ikki erkak pivoxonada o‘tirishardi. Biri ikkinchisiga dedi:

— Yaqinda ulfatlar bilan bahslashib, bir ko‘tarishda yigirma shisha pivoni ichib yuborgandim. Xullas, yutib chiqdim.

— O‘zingga ziyon yetmadimi?

— Yetdi.

— Nima bo‘ldi?

— Ulfatlar o‘shandan keyin davralariga qo‘shmay qo‘yishdi.

J J J

— Yaqinda uyga yangi jihozlar sotib olganimizni ko‘rib, qo‘shnilar, sal bo‘lmasa, hasaddan kuyib ketayozdi.

— Qaerdan bilding?

— O‘g‘limga “Yosh usta” degan kitob, yana bir xalta asbob-uskunalar sovg‘a qilishibdi.

J J J

Restoranga sher va quyon kirib kelishdi. Quyon ofitsiantga dedi:

— Menga karam va sabzi keltiring!

— Sherigingizga-chi? Uning qorni och emasmi?

— Och bo‘lsa, shu yerda birga o‘tirarmidik?!

J J J

Er tag‘in uyiga mast holda keldi.

Xotini:

— Kechagina butkul boshqa odamga aylanaman, demaganmidingiz?

— Degandim. Lekin o‘sha odam ham ichkilikni yaxshi ko‘rsa nima qilay?

J J J

— Xo‘sh, qittay-qittay qilamizmi?

— Yo‘q, men ruldaman.

— Hechqisi yo‘q. Biz qizilidan ichamiz. Qizilini qoningni ming tekshirishsayam aniqlay olishmaydi.

J J J

Ayol mashina haydab ketardi. Yo‘lda mashinasi buzilib qoldi. O‘tkinchi mashinalardan birini to‘xtatib, yordam berishini so‘radi. Haydovchi u yoq-bu yog‘ini tekshirgan bo‘ldi-da, ayolga dedi:

— Agar shu mashina ot bo‘lganda, so‘yib tashlashni maslahat berardim.

J J J

— Ha, biz yaqinda baxtli bo‘lamiz.

— To‘g‘ri, bor-yo‘g‘i ikki hafta qoldi.

— Eh, ertagayoq baxtli bo‘lsaydik!..

— Iloji yo‘q, jonim. Chunki, ajrashayotgan faqat bizlar emas.

“FALOKAT OYOQ OSTIDA...”

Ангелочка — Mon, 03 Aug 2009 08:34:34 GMT

«Bojalar» guruhi bilan yuz bergan noxush voqea muxlislarni qattiq qayg‘uga solib qo‘ydi. Guruh atrofidagi mish-mishlar esa kun sayin ortib bormoqda. Bu mish-mishlar qanchalik to‘g‘ri yoki noto‘g‘riligini aniqlash uchun guruh a’zolarini davolayotgan shifokor, tibbiyot fanlari nomzodi, reanimatolog Iskandar Dolimov bilan suhbatlashdik.

— Nega bemor va uning qarindoshlari jurnalistlardan yashirinishga harakat qilishdi? Bu ular atrofida sirlilikning paydo bo‘lishiga va turli bema’ni mish-mishlarning tarqalishiga sabab bo‘ldi. Agar ular to‘g‘ridan-to‘g‘ri intervyu berib, voqeaga oydinlik kiritishsa, bu kabi mish-mishlar ko‘paymasdi...

— Bilasizmi, hozir Jahongirning o‘zi ham, yaqinlari ham intervyu beradigan ahvolda emas. Hammasi chuqur ruhiy tushkunlik holatida. Mish-mishlarning tarqalishi esa tabiiy hol. Guruh a’zosi Mo‘min Oripovning vafot etishi, Jahongir Poziljonovning og‘ir jarohat olganligidan xonandaning barcha yaqinlari tashvishda. Xudo xohlasa, jarohatlari tuzalib, o‘ziga kelgandan keyin falokat qanday yuz bergani haqida Jahongirning o‘zi intervyu beradi.

— Voqea tafsilotlaridan xabaringiz bormi?

— To‘liq bilmayman. Eshitishimga qaraganda, Jahongir bilan Mo‘min mashinani navbat bilan boshqarib kelishayotgan ekan. Halokat sodir bo‘lganida, Mo‘min rulda bo‘lgan. Fojia qanday yuz bergani esa noma’lum. Menimcha, bu baxtsiz tasodif bo‘lsa kerak. Aytishadi-ku, Xudo yaxshi ko‘rgan bandalariga sinov yuboradi, deb.

— Guruh a’zolarining sog‘-lig‘i qanday? Vakolatingiz doirasida ularning ahvoli haqida to‘xtalib o‘tsangiz.

— Halokat sodir bo‘lgan paytda Jahongir va boshqa guruh a’zolari chuqur retrogradnaya amneziya holatiga tushishgan. Ya’ni miya chayqalishining og‘ir formasi yuzaga kelgan. Bunday jarohat olgan bemorlar bo‘lgan voqealarni eslay olishmaydi. Xususan, Jahongir va boshqa a’zolar ham fojia yuz bergungacha bo‘lgan voqealarni eslaydi, xolos. Undan keyingi voqealarni esa xotirlay olishmaydi. Bu xotirasini butunlay yo‘qotdi, degani emas. Vaqt o‘tishi bilan xotira asta-sekin tiklanadi. Retrogradnaya amniziya holati shu darajada kuchli bo‘lganki, hatto ular bilan birga kelayotgan Shahzodbekni «o‘ldi» deb o‘ylab, Mo‘min bilan birga o‘likxonaga olib borishgan. Biroz muddat o‘tib, uning qimirlayotganini ko‘rishgandan ke-yin zudlik bilan kasalxonaga jo‘natishgan. Bemorlarni Toshkentga olib kelishgandan ke-yin bir haf-tadan oshiqroq bizning kasalxonamizda davolanishgan bo‘lsa, kundan-kunga ahvollari yaxshilanib boryapti. Olgan jarohatlari ham asta-sekin bityapti.

— Bemorlarning xotirasi taxminan qancha muddatda tiklanadi?

— Xotiraning tiklanishi har kimda har xil. Ba’zilarda tez, ba’zilarda esa asta-sekinlik bilan tiklanadi. Bu esa, albatta, biz shifokorlarga, uning yaqinlariga va o‘zining individual holatiga bog‘liq. Ularga hozir ruhiy ko‘mak berish xotiraning tiklanishi uchun eng samarali usullardan biri.

— Ular o‘z ijodini davom ettirishida olgan jarohatlari to‘sqinlik qilmaydimi?

— Hozircha bir narsa deyolmayman. Lekin Jahongirning yosh ekanligi, jarohatlarning tez bitayotganini hisobga oladigan bo‘lsak, ijodga qaytishiga umid qilyapmiz. Bu, albatta, qanchalik to‘g‘ri muolaja qilish va ruhiy yordam berishga bog‘liq.

— Demak, Jahongir Poziljonov yurib ketadi, shundaymi?

— Xudo xohlasa, yurib ketadi. Termizda o‘tkazilgan operatsiya juda muvaffaqiyatli chiqqan. Yaralari ham tez bityapti.

— Kasalxonadan chiqishdimi?

— Yaqinda uyiga javob berdik. Muxlislari xavotir olishmasa ham bo‘ladi. Ularning ahvolidan doimo xabardor bo‘lib turamiz. Taxminan bir yarim-ikki oydan keyin Jahongirning oyog‘iga qo‘yilgan gipsni olamiz.

MAYKL JEKSONNING KARDIOLOGI QOTILLIKDA GUMON QILINYAPTI

Ангелочка — Mon, 03 Aug 2009 08:28:44 GMT

Maykl Jeksonning shaxsiy kardiologi Konrad Myurrey o‘zi bilmagan holda qotillik sodir etishda gumon qilinyapti.

Xyuston sudi tomonidan berilgan tintuv orderida huquq-tartibot organlariga shifokorning bilmay qotillik sodir etishini tasdiqlovchi dalillarni izlashga ruxsat berildi. Myurreyning klinikasi o‘tgan haftada tintuv qilindi. Bu qo‘shiqchining o‘limi qotillik sifatida o‘rganilayotganini rasmiy ravishda tasdiqlovchi ilk xabar bo‘ldi. Ilgari Myurreyning advokatlari hukumat Jeksonning o‘limini qotillik sifatida ko‘rib chiqmoqchiligini bildirishgan, biroq politsiya bu xabarni tasdiqlamagan edi.

Tintuv vaqtida Myurreyning kasalxonasidan nima topilgani ma’lum bo‘ldi. TMZ.com internet nashrining xabariga qaraganda, klinikadan fentermin shishachasi (ishtahani o‘ldirish uchun qo‘llaniladi), klonozepam shishachasi (tirishishga qarshi vosita), Myurreyning portreti nusxasi, kartoteka, umumiy foydalanishdagi omborxonaning to‘lov cheki, qandaydir Steysi Xouining elektron maktublari nusxasi, shuningdek, Fed Ex pochta kompaniyasi haqidagi axborotlar yozilgan kartochka topildi.

Eslatib o‘tamiz, qo‘shiqchi nafas olmay qo‘yganda uning yonida aynan Myurrey bo‘lgan.

ERON PREZIDENTI VAZIRLARNI ISTE’FOGA CHIQARDI

Eron prezidenti Mahmud Ahmadinejad to‘rtta vazirni iste’foga chiqardi, deb xabar beradi AG‘R axborot agentligi.

Ishdan bo‘shatish Ahmadinejadning yangi kabineti tarkibi ma’lum qilinishidan bir necha kun avval sodir bo‘ldi. Madaniyat, mehnat va jamoat ishlari, Sog‘liqni saqlash hamda ayg‘oqchilik ishlari vazirlari o‘z lavozimidan ayrildi.

Eron prezidenti Oyatillo Ali Hameniyning talabini bajarib, o‘zining birinchi o‘rinbosari Isfandiyor Rahim Mashaiyni ham iste’foga jo‘natdi.

Eslatib o‘tamiz, Mahmud Ahmadinejad Islom respublikasi prezidentligiga 2009 yilning 12 iyunida bo‘lib o‘tgan saylovlarda saylangan. Oppozitsiya vakillari saylov natijalari soxtalashtirildi deb da’vo qilishdi. Mamlakat bo‘ylab norozilik aktsiyalari o‘tkazildi, namoyishlar politsiya bilan to‘qnashuvgacha yetib bordi. Oppozitsiya ma’lumotlariga qaraganda, buning natijasida umumiy hisobda 150 dan ortiq kishi halok bo‘lgan. Rasmiy Tehron esa faqat 19 kishining o‘lgani haqida xabar berdi.

Eron hukumati oppozitsiyaning ayrim talablarini ado etib, ovozlarni qisman qayta hisoblashdi. Yangi natijalar ham Ahmadinejadning g‘alabasini tasdiqladi.

MURDANING BURNINI O‘G‘IRLAB KETISHDI

Maykl Jeksonni yuzida o‘n yildan beri “ko‘tarib yurgan” protezsiz ko‘madigan bo‘lishdi.

Qo‘shiqchining jasadini tibbiyot xodimlari tomonidan tekshirish natijalari yangi tafsilotlar bilan boyimoqda. Yaqinda ma’lum bo‘lishicha, Maykl Jekson deyarli o‘n yil foydalangan burun protezi o‘likxonadan yo‘qolibdi.

“Rolling Stones” jurnaliga hikoya qilib bergan guvohning aytishicha, u o‘likxona stolida qo‘shiqchining murdasini ko‘rgan, biroq u paytda protez burun yo‘q edi. “Mayklning azobli o‘zgarishlarga yuz tutgan va u o‘n yil ommadan berkitgan yuzi ochiq bo‘lib, unga yorug‘lik tushib turardi. U, odatda, zararlangan burniga yopishtiradigan protez yo‘q edi. Uning o‘rnida kichkina qora teshikchani qoplab turgan tog‘ay qismlari ko‘rinib turardi”, — deb hikoya qiladi ismini oshkor qilishni istamagan guvoh.

Avval patologanatomlarning hisobotida qo‘shiqchining yuzi ko‘plab plastik jarrohliklar natijasida o‘zgarib ketgani aytilgan, biroq qay darajada o‘zgargani qayd etilmagandi. Tibbiyot xodimlarining hisob-kitobiga qaraganda, Maykl 13 marta plastik operatsiyani boshdan kechirgan. Jarrohlar uning yuzini shunchalik tasqara qilib qo‘yishganki, yuzida burun degan a’zo deyarli bo‘lmagan.

2001 yilda G‘arb nashrlari omadsiz plastik operatsiya natijasida, qo‘shiqchining burni butunlay tushib ketgani haqida yozishgandi: “Qo‘shiqchining burnini nekroz, ya’ni tog‘ayning o‘lishi zararlantirdi. Pop-qo‘shiqchi uchun bu haqiqiy fojia bo‘ldi. U jarrohlik niqoblari tutadigan, yuzini qora ro‘molcha bilan berkitadigan bo‘ldi, ammo mikroblardan qo‘rqqani uchun emas. Aslida, hammasi nihoyatda ayanchli edi — qo‘shiqchi o‘zining tasqaralashgan yuzini yashirardi. Maykl hatto maxsus burun protezini ham buyurtirdi, ammo faqat estetik maqsadda emas, balki normal nafas olish uchun ham. U har gal odamlar oldida yuz niqobisiz paydo bo‘lganda, protezni grimning semiz qavatlari ostiga yashirishardi. Baribir, notabiiy, tepaga ko‘tarilgan chiziqlar taajjubli savollar tug‘dirardi. Qo‘shiqchining muxlislari uning burnini o‘ziniki deb hisoblashardi — plastika bilan tasqaralashgan bo‘lsa ham. Afsuski, ular xato qilishardi. Bu Maykl Nyu-Yorkda “Medison Skver Garden” sahnasida chiqqanda, oshkor bo‘ldi. Qo‘shiqchi raqs tushib, faol harakatlanib, tasodifan qo‘li bilan burnining uchiga tegib ketdi, a’zo shundoq yulduzning oyoqlari ostiga tushdi. Tomoshabinlar dahshatga tushishdi, Maykl esa parda ortiga qochishga majbur bo‘ldi”.

Keyinroq, 2004 yilda plastik jarrohlar qo‘shiqchining burnini qulog‘idan olingan tog‘ayni yuziga yopishtirish yo‘li bilan “ta’mirlash”ga urinib ko‘rishdi. Biroq bu operatsiya ham umid qilingan natijani bermadi.

“TITANIK” QAYTA SURATGA OLINADI

Katta shov-shuvlarga sabab bo‘lgan “Avatar” filmining roliklarini namoyish qilish paytida rejissyor Jeyms Kemeron o‘zining yangi shedevrini suratga olayotganda, 3-D (kinoteatrda stereochkoflardan foydalanish tizimi) texnologiyani sevib qolganini ma’lum qildi.

Rejissyorga bu texnologiya shunchalik yoqib qolibdiki, o‘zining asosiy filmi — “Titanik”ni ham aynan shu formatda qayta suratga olishni ko‘ngliga tugibdi. Albatta, qayta suratga olish oson ish emas, shuning uchun Kemeron bir nechta sahnani shunchaki o‘zgartirib qo‘yadi. Shu, xolos.

Kemeron “Avatar”ning davomini ishlashni ham o‘ylab turibdi. Ammo buning uchun birinchi qismi yetarlicha ommalashishi kerak. Bunga esa shubha qilmasa ham bo‘ladi.

Нариги дунёдан қўнғироқлар

Ангелочка — Mon, 03 Aug 2009 05:08:38 GMT

Туннинг қоқ ўртаси, шаҳар шовқинидан асар ҳам йўқ. Бутун борлиқ уйқуда. Бу осудаликни бузиб телефон жиринглайди. Уйқусираб телефон гўшагини кўтарар экансиз, линия носозлиги туфайлими, овозларнинг аниқ эшитилмаслигидан асабингиз бузилади. Бирорта уйқуси қочганнинг номаъқул ҳазили деб ўйладингизми? Хулоса чиқаришга шошилманг, балки сизни нариги дунёдан безовта қилишаётгандир...

Ўз ишининг устаси - Айрис
1965 йил ёзда АҚШ шифохоналарининг бирида Айрис Брейс вафот этди. Унинг ўлимидан ҳамма ҳайратга тушди. Негаки, у энг оддий жарроҳлик муолажасидан сўнг оламдан ўтган эди. Айрис иқтисодчи олимнинг котибаси эди. Олим дафн маросимида Айрисни эсларкан, тўсатдан операциядан аввал котибасига ҳамкасбларидан бирига қўнғироқ қилиб, ўта муҳим лекцияда иштирок этиши ҳақида огоҳлантириб қўйишни тайинлагани ёдига тушди. Жарроҳлик муолажаси унча хавфли бўлмагани учун ҳам олим бу ишни Айрисга шифохонадан чиққач, бажариши мумкинлигини айтган эди. Энди эса олим ўз ёрдамчисининг дафн маросимида ўтирибди. Эртага бўлса муҳим лекция бор. Иқтисодчи олимнинг боши қотди, ҳамкасби бўлажак лекциядан бехабар бўлса, лекция қандай ўтар экан?
Олим ишхонага қайтиши билан ҳамкасбига қўнғироқ қилди. Гўшакни кўтарган ҳамкасби олимдан узр сўраб, бошқа бир қўнғироққа жавоб бериши лозимлигини айтади. Бир дақиқадан сўнг, ҳамкасблар суҳбатлашадилар. Шунда ҳамкасби иқтисодчи олимга ҳозиргина Айрис исмли котиба бўлажак лекциядан хабардор этганини айтади. Бу гап олимни бутунлай эсанкиратиб қўяди.
Брендининг кераги йўқ
1971 йил май кунларининг бирида Аризона штатида яшовчи Мак-Конеллар оиласининг тинчлигини бузиб телефон қўнғироғи янгради. Қўнғироқ қилган Мак-Конелл хонимнинг дугонаси Инесс Жонсон эди. Дугоналар анчадан буён гаплашмаганлари боис, суҳбат анчага чўзилди. Бир неча ҳафта илгари Инесс шифохонага тушган, Мак-Конелл хоним эса дугонасининг ҳолидан хабар олишга боролмаганлигидан хижолат бўлган эди. Шу боис у албатта эртасига дугонаси ёқтирган брендини олиб, шифохонага боришга ваъда беради. Бу таклиф Инессга ёқмаганлиги унинг гап оҳангидан билинади ва у зинҳор дугонасига бундай қилмасликни буюради. Инесс бир муддат қаттиқ дард тортгани, сўнг ҳозир ҳузур-ҳаловат ичида яшаётганини, энг асосийси эса, бутунлай ичкиликдан воз кечганлигини айтади. Дугонасининг бахтли эканлигини эшитган Мак-Конелл хоним ҳам хурсанд бўлиб кетади. Орадан беш кун ўтгач, Мак-Конелл хоним дугонасидан ҳол-аҳвол сўраш учун шифохонага қўнғироқ қилганида у ердагилар Инесс Жонсоннинг бир неча ҳафта муқаддам палатада вафот этганини хабар қилишади. Агар Инесснинг ўлими ҳақиқат бўлса, ким Мак-Конелл хонимга беш кун аввал қўнғироқ қилиб, брендисиз бахтли ҳаёт кечираётганини айтган экан?

Бундай ғариоддий қўнғироқлар сони ўтган асрнинг 90-йилларида авж олган эди. Шунинг учун ҳам Манчестер Университетининг ғайритабиий ҳодисаларни ўрганувчи бир гуруҳ олимлари асосий эътиборларини “нариги дунёдан келган қўнғироқлар”га қаратади. Тўрт йил давом этган кузатишлар натижасида улар мингдан ортиқ ғайритабиий қўнғироқларни таҳлил этиб, тадқиқотлар натижасини кенг омма эътиборига ҳавола этадилар. Ўрганилган қўнғироқларнинг ярмида алоқа иштирокчилари фақатгина бир неча оғиз сўз билан кифояланганлар, чорак қисмида эса асосан вафот этган инсонлар гапирган. Қолган қўнғироқлар эса тушуниб бўлмас даражада шовқиндан иборат товушлар йиғиндиси бўлиб, қўнғироқ қилаётган инсон узун тоннелда кеталанаётгандек тасаввур пайдо бўлади. Аммо ҳеч қайси бир қўнғироқ алоқа операторлари томонидан қайд этилмаган. Бошқача қилиб айтганда, ўта сезувчан алоқа воситалари сигнални аниқлай олмаган.

Қўнғироқлардан мақсад нима?
Олимларнинг таъкидлашича, бу хилдаги қўнғироқлардан асло чўчиш керак эмас. “Нариги дунёдан келган қўнғироқ”ларга жавоб берганларнинг аксарияти суҳбат давомида марҳумларни нима безовта қилгани ҳақида маълумот олганлар. Шу билан бирга улар осойишталик, хурсандчилик туйғуларини ҳам баён этганлар. Дарҳақиқат, аксарият қўнғироқларнинг жиддий сабаблари бўлган. Вафот этганлар беҳудага ўз яқинлари, дўстларини безовта қилмаганлар.
Хизмат доирасидан ташқарида?
Марҳумларга қўнғироқ қила олган, аммо суҳбат чоғида уларнинг вафот этганидан бехабар бўлган инсонлар ҳам ҳаётда учраб туради. Лос–Анжелеслик Никол Фридман даҳшатли тушдан қўрқув билан уйғонади. Никол хоним тушида турмуш ўртоғи Бобнинг пешонасидан ўқ еб, қонга беланган ҳолда кўча юзида ётганини кўрган эди. У қўрқинчли тушдан шунчалар таъсирланган эдики, дарҳол иш юзасидан бошқа шаҳарга кетган Бобнинг қўл телефонига қўнғироқ қилади. Боб унга ҳаммаси яхши эканлигини, аммо энди улар бир–бирларидан узоқда эканлигини тушкун кайфиятда айтади. Кейинчалик аниқланишича, қўнғироқ вақтида Бобнинг мурдаси шаҳар моргида сақланаётган экан. Боб ўғриларнинг босқинига қаршилик кўрсатгани учун отиб ўлдирилган эди.
Худди шундай воқеа америкалик Смит хоним билан рўй берган. Бир куни у тушида етти йилдан буён кўришмаган дугонасининг қонга беланган ҳолда ётганини кўради. У ҳам Никол хоним каби дарҳол гўшакни кўтариб, дугонасига қўнғироқ қилади. Дугонаси Смит хонимни тинчлантириб, ҳақиқатан ҳам касал бўлганини, аммо айни вақтда ўзини анча яхши ҳис қилаётганини айтади. Смит хоним дугонасининг сўзларидан сўнг анча таскин топади. Лекин эртасига ҳам даҳшатли туш ёдидан сира кўтарилмагани боис Смит хоним дугонасининг уйи томон йўл олади. Аммо дугонасининг ота-онаси қизининг ярим йил аввал бу ёруғ оламни тарк этганини айтишади.
Эдисоннинг якунланмаган иши
XIX асрда электр чироқ ҳамда кинопроекторни ихтиро қилган Томас Эдисон марҳумлар дунёси билан алоқа қилувчи асбоб яратиш устида иш олиб бораётганини кенг оммага маълум қилган эди. Аммо Эдисон бу ишни якунига етказа олмай вафот этади. Янги ихтиро эса охирига етказилмай қолаверган...
«Бу каби алоқаларни ўрнатиб бўлмайди ва бундай ускунани яратиш мумкин эмас» дея ўз фикрини исботлашга уринаётган олимлар ҳам кўпчиликни ташкил этади. “¢айритабиий қўнғироқлар-одамлар психикасидаги катта стресслар натижаси» деб изоҳланишига бу каби қўнғироқларни марҳумлар билан алоқага киришган инсондан бошқа ҳеч ким эшитмаслиги сабаб қилиб кўрсатилмоқда. Бундай сўзлашувларни тасмага ёзиб олишнинг ҳам мутлақо имкони йўқ. Аксарият ҳолларда қўнғироқлар ўлимдан сўнг 24 соат, баъзан етти кун, энг узоғи билан эса 3 ой ичида амалга оширилади. Олимларнинг фаразларида ҳам жон бор. Марҳумларни соғиниб, уларни кўп эслаган яқинларига вафот этганлар алоқага киришгандек туюлиши мумкин. Аммо у ҳолда котиба Айрис Брейснинг воқеасини қандай изоҳлаб бўлади?

«Мўмин акамни топиб беринглар!»

Ангелочка — Mon, 03 Aug 2009 04:46:26 GMT

Ҳайрон қолманг, азиз муштарий. Таҳририятимизга кунига, кунора сим қоқиб «Божалар» гуруҳи солисти Жаҳонгир Позилжоновнинг соғлиги ҳақида сўраб-суриштираётган ашаддий мухлислар орасида, Мўмин Ориповнинг ўлимига ҳали ҳануз ишонмаётганлар ҳам бор экан. Ана шундайлардан бири «Мўмин акамни топиб беринглар!

У киши оламдан ўтиши мумкин эмас!» деди алам билан таҳририятимизга сим қоқар экан, ўзини тутолмай йиғлай бошлади...
Ёшу-қарининг юрагини тилка пора қилган фожиага ҳам салкам бир ой тўлди. Лекин «Божалар» гуруҳи билан боғлиқ шов-шувлар тинганича йўқ.
«Божалар» гуруҳининг ашаддий мухлисларидан бири эса қуйидаги фикрларни билдирди: «Санъатда яхши топилма, яхши гап юқумли бўлади. «Божалар» қўшиқ айтгандан сўнг жийда гули муҳаббат рамзига айланди. Санъатда «Жийда гули» деган романтик тушунча пайдо бўлди. Бу иқтидорнинг кучи. Ҳар ким ҳам тушунчаларни русумга киритолмайди. Ўша қўшиқнинг клипида ҳам, эътибор берган бўлсангиз, романтик муҳит бор. Ёшу кексага бирдай ёқади. Аслида, «Божалар» ўзларини шўх ва бир оз безоридай тутишларига қарамай, уларнинг овозида дард бор. Бу кўпроқ гуруҳнинг оғир-босиқ йигити Мўмин Ориповнинг овозига тегишли эди. Ҳатто шўх қўшиқ – «Настинка»нинг ҳам оҳангига эътибор беринг, қандайдир дард, қандайдир мунг ифодаланган. Демак, унинг келажаги порлоқ эди. У ўз авлоди, ўз мухлислари билан улғайиб, кексайиши керак эди…
Бу йигит эрта ўтди. Ҳали олдинда қиладиган иши бир олам бўлгани ҳолда, жуда эрта тарк этди ҳаётни. Лекин бир йигит қилиши мумкин бўлган ишларни бажариб кетди, айримлар бир умр ҳаракат қилиб ҳам эришолмайдигандан-да кўпроқ нарсаларни уддалаб кетди.
Барибир киши ачинади. Афсус!»
Мана шу телефон қўнғироғидан сўнг «Божалар» гуруҳини яқиндан билган инсонлар, уларнинг ҳамкасблари ва дўсту-биродарларига сим қоқдик. Мўмин Орипов ҳақида уларнинг хотираларини, ичида қолиб кетган гапларини мухлисларга етказиш учун…

Ойбек, хонанда:
- Мўмин ака ҳақида фақат яхши гапларни айтиш мумкин. Жуда яхши инсон эдилар. Ака-укадек бўлиб қолгандик… Ҳар доим яхшилик қилишга интилардилар, қийин вазиятларда ҳам оғир-босиқлигини йўқотмасдилар. Яқинда суратга олинган «Тоҳир-Зуҳра 2» фильмида мен, Нигора ва Мўмин акам италияликлар образини яратдик. Ролимиз сочимизни оққа бўяшни тақозо этганди. Мўмин акам Нигора ва менга ўхшаб жаҳл қилмасдан, кулиб сочларини оққа бўяб қўя қолдилар. Яна «Қалай, чол бўлиб қолдимми?» деб бизни ҳам роса кулдиргандилар. «Амакиваччалар» қўшиғини иккаламиз машинада ўтириб ёзганмиз. Жуда фаол инсон эдилар. У кишини охирги маротаба «Тарона» тақдимотида кўрганман…

Нигора, хонанда:
- Бундай бағрикенг, ажойиб инсонни ҳаётимда учратмаганман. Уларда дунёдаги жамики яхши фазилатлар мужассам эди. Мўмин ака оила бошлиғи сифатида ҳам намунага лойиқ инсон эдилар, ўз жуфти ҳалоллари Камолани жуда қаттиқ севардилар. Иккиси бир-бирига узукка кўз қўйгандек мос эди. Илоҳим, жойлари жаннатда бўлсин.
Мўмин акани охирги маротаба «Тарона» тақдимотида кўргандим. Ўшанда «Озиб кетибсизми?» десам, кулиб қўйгандилар…

Зиёда, хонанда:
- Мўмин ака билан ака-сингилдек аҳил-иноқ бўлиб кетгандик. Ўта самимий, ҳазилкаш, ажойиб инсон эдилар. Ишхонамизга келганларида ҳар сафар «Зиёда, тўй қачон энди?» дердилар табассум билан. Ҳозир ҳам ўша гаплари қулоғим остида жаранглаб турибди… (йиғлади) Мўмин ака энди йўқ эканлигига ҳечам ишонгим келмаяпти… Охирги маротаба гастрол сафаридан қайтганимдан кейин, ишхонада кўргандим, анча суҳбатлашгандик. Илоҳим охиратлари обод бўлсин...

Абдурайим Абдуваҳобов, актёр:
- «Божалар» гуруҳи йигитлари билан бирга ишламаганман, лекин ижодларини ҳурмат қилардим. Иккисини ҳам болаликларидан биламан. Мўмин жуда яхши йигит эди. Бу боланинг ёш кетиши санъатда катта йўқотиш бўлди. Қисқа муддатда анча-мунча ишларни амалга оширишга улгурганди. Мўминжоннинг ота-онаси, яқинларига Худойим сабр берсин. Илоҳим ўғли Билолбек ўсиб-улғайиб, яхши инсон бўлиб камол топсин. Жаҳонгирга эса Аллоҳ шифо берсин…

Анвар Собиров, хонанда:
- «Божалар» гуруҳи жуда кўп мухлисларга эга эди. Тўйларда, давраларда бир-биримизни кўриб қолсак, қучоқ очиб кўришардик. Мўмин ўз исмига монанд мўмин-қобил йигит эди. Ундаги оддийлик, самимийликни ҳурмат қилардим. Халқда «санъаткорлар орасида оқибат йўқ» деган нотўғри фикр юради. Бу йигитлардаги меҳр-оқибат жуда кучли эди. Қачон, қаерда бўлишмасин, қўллари кўксида, ҳурматингизни жойига қўйишарди. Ишончим комил, Жаҳонгир соғаяди ва ҳали кўп қўшиқлар яратади, мухлислари дилини хушнуд қиладиган яхши ишларни амалга оширади…

Шароф Муқимов, хонанда:
- Мўмин санъат институтида оддий талаба бўлганида ҳам, вақти келиб машҳурлик поғонасига кўтарилганида ҳам оддийлигини йўқотмади. Шу хислати билан аксарият санъаткорлардан ажралиб турарди, шу боис уни ҳамма ҳурмат қиларди. «Яхши одам Худога яқин бўлади» деган гап-сўзларга яна бир карра ишондим. Мўминни Аллоҳ раҳматига олган бўлсин, илоҳим.
Ўша машъум кун қанча-қанча мухлислари шахсан менинг ўзимга қўнғироқ қилиб «Шу гаплар ростми?» деб аламли саволлар беришди, кўз ёш қилганлар ҳам кўп бўлди. «Божалар» гуруҳининг мухлислари нақадар кўплигига ўшанда яна бир карра ишонч ҳосил қилдим. Тўғри, Мўмин ҳаётда жисман йўқ, лекин унинг қўшиқлари мухлислари, дўстлари юрагида абадул абад яшайди.

Улуғбек Раҳматуллаев:
- Бир нарсага амин бўлдим: шоу-бизнесимиздаги энг обрўли гуруҳ «Божалар» экан. Мўминни сўнгги манзилга кузатаётганимизда тобутни ҳеч ким кўтариб юрмади, тобут сузди. Севимли хонандаси, дўсти, биродари, ҳамкасби ва шунчаки яхши бир инсонни кузатишга шу қадар кўп одам тўпланган эди… Мўминдаги бир хислат – юзида доим акс этиб турадиган табассумини қадрлардим. Энг ҳайратланарлиси, у дунёни тарк этганидан кейин ҳам лабида ўша кулги қотиб қолганининг гувоҳи бўлдим. Мўмин шундоқлигича хотирамда муҳрланиб қолди...

Мўмин Ориповнинг оиласига, ота-онаси ҳамда дўсту-биродарларига сабр-матонат тилаймиз. Бу дунё ўткинчи дунё. Ҳамма бир бирига ғанимат. Истардикки, барча инсонлар тириклик чоғларида бир-бирининг қадрига етишса. Яхши гапларни инсоннинг ортидан эмас, унинг ўзига айтишса…
P.S: Инсон ўзидан кейин ҳеч бўлмаганда яхши ном қолдиради. Мўмин Ориповдан эса яхши ном билан бир қаторда эзгу ишлар, бир қатор гўзал тароналар ёдгор бўлиб қолди. Дунё ўткинчи. Тақдир бешафқат. «Божалар» гуруҳининг ашаддий мухлислари кун келиб бу аччиқ ҳақиқатни тан олишади. Улар бу воқеадан ўзларига керакли хулосани чиқариб олишади, деган умиддамиз.

Жаҳонгир тўлиқ соғайиб кетгач матбуот-анжумани ўтказади
Газетамизнинг ўтган сонида «Божалар» гуруҳи солисти Жаҳонгир Позилжоновнинг акаси Абдураҳмон Позилжонов билан суҳбатни тақдим этган эдик. Яна бир карра эслатиб ўтамиз, ортиқча хавотирга ҳеч қандай ўрин йўқ, Жаҳонгирнинг ҳам, гуруҳ маъмури Жавлон ҳамда Шаҳзодларнинг аҳволи қониқарли даражада. Уч йигит Тошкент шаҳридаги шифохонада битта палатада даволанишаяпти.
Абдураҳмон ака билан бўлган суҳбатимиз охирида Сиз азиз муштарийларга «газетамизнинг келгуси сонида Жаҳонгир Позилжонов билан суҳбатни ўқийсиз» дея ваъда қилган эдик. Ваъдамизнинг устидан чиқиш мақсадида Жаҳонгирнинг акаси Абдураҳмон Позилжонов билан боғланганимизда, у киши биздан узр сўраган ҳолда яқин кунларда Жаҳонгир тўлиқ соғайиб кетиши билан оммавий ахборот воситалари мухбирлари иштирокида матбуот анжуманини ўтказишга қарор қилганини айтдилар. Демак, ўзингизни қизиқтирган саволларни tanho_83@mail.ru электрон манзилига йўлланг. Ёки 8(371)233-88-87 телефон рақамига сим қоқинг. Севимли хонандангиз Сизни қизиқтираётган барча саволларга матбуот-анжуманида жавоб беради!

Ёдгор Мирзажоновдан Тошкент қизларига антиқа совға

Ангелочка — Mon, 03 Aug 2009 04:37:13 GMT

Ёшларнинг севимли хонандаси Ёдгор Мирзажонов Тошкент 2200 йиллига айнан Тошкент қизларига бағишлаб «Бегойим» номли янги қўшиқ ёзди. Мусиқа ва шеър муаллифи Фарҳод Турсунов. «Ўйлаб қарасам, барча вилоят қизларига бағишланган қўшиқлар яратилган экан-у, Тошкент қизларига атаб қўшиқ ёзилмаган экан. Шу, пойтахтимиз юбилейи баҳонасида Тошкент қизларини ҳам табриклашга имкон туғилганидан мамнунман», деди хонанда.

MANFAATLARNI QANDAY HIMOYA QILASIZ?

Ангелочка — Mon, 03 Aug 2009 04:34:02 GMT

Har bir tirik insonning o‘z manfaatlari bor. Lekin o‘tkinchi dunyoda o‘zidan ko‘ra boshqalarning manfaatlarini himoya qiladiganlar kam uchraydi.

Siz-chi? Siz uchun kimning manfaatlari ustunroq? Quyidagi savollarga javob berib, shularni aniqlab oling.

1. Muhim uchrashuvga otlanayapsiz-u, to‘satdan yaqin dugonangiz kirib, bir tanishi bilan tezda ko‘rishmasa bo‘lmasligini, ma’lum muddatga bolalariga qarab turishingizni aytib qoldi. Siz:

a) og‘ir xo‘rsinib, rozi bo‘lasiz;

b) keskin rad javobi berasiz;

v) chiqib ketayotganingizni aytib, yaxshisi, ertaga kelishini tayinlaysiz.

2. Ilm kishisi bo‘lmish tanishingiz qaysidir majlisda chiqish qilishi uchun nutq matnini yozib berishingizni iltimos qilsa:

a) hazil aralash, evaziga dam olish kunlari “Mersedes”ini berib turishini aytasiz;

b) xursand bo‘lib, rozilik bildirasiz;

v) unga eshittirmay g‘udranib qo‘yasiz.

3. Sizga yoqqan erkak bugun restoranga taklif qila olmasligini, puli kamroq ekanini aytsa:

a) qachon boyisa o‘shanda uchrashishingizni aytib, jo‘nab qolasiz;

b) O‘zingiz uni restoranga taklif qilib, xarajatlarni to‘laysiz;

v) uni no‘noqlikda ayblaysiz.

4. Boshlig‘ingiz ishdan keyin qolib, qo‘shimcha ish olishingizni so‘rasa:

a) hamkasb dugonangizdan boshqa xonadan turib, boshliqqa: “Xolasi kasal ekan, kasalxonaga ketdi”, deb qo‘yishini so‘raysiz;

b) indamay rozi bo‘lasiz;

v) boshliqni mehnat qonunlarini buzayotganlikda ayblaysiz.

5. Bolalikda siz quyidagi qahramonga o‘xshashni istardingiz:

a) Zolushka;

b) Qizil Shapkacha;

v) Qor malikasi.

6. Dugonalaringizdan biri kutilmaganda sizdan o‘zini olib qocha boshlasa:

a) qattiq qayg‘uga botasiz va nima qilib bo‘lmasin, qaytadan uning e’tiborini tortishga intilasiz;

b) unga ichingizdagi bor gaplarni aytib-aytib olasiz;

v) siz ham undan voz kechasiz va o‘sha dugonasiz ham hayotda bemalol yashash mumkin, deya hisoblaysiz.

7. Eringiz sizni o‘zingizga umuman yoqmaydigan ziyofatga olib bormoqchi:

a) bugun yolg‘iz qolmoqchi ekaningizni aytib, taklifini rad etasiz;

b) rozi bo‘lasiz va u bilan birga borasiz;

v) do‘st tanlashda umuman didi yo‘qligini yuziga solasiz. U ham bormasligini, siz bilan birga bo‘lishini talab qilasiz.

8. Dugonalaringiz sizni sayohatga taklif etishsa:

a) ular bilan bajonidil birga bo‘lasiz;

b) hozir borgingiz kelmayotganini, sayohatni orqaga surib turishlarini so‘raysiz;

v) takliflarni zarda aralash rad etasiz.

9. Eringiz siz yoqtirgan ovqatni xush ko‘rmasa:

a) shu ovqatdan bir umrga voz kechasiz;

b) aynan shu ovqatni tez-tez tayyorlaysiz. Eringiz ko‘nikib ketmaguncha to‘xtamaysiz;

v) bu ovqatni faqat o‘zingiz uchun tayyorlaydigan bo‘lasiz.

10. Uydagilar yoki dugonalaringiz bilan orangizda janjallar kelib chiqsa:

a) albatta, o‘zingizni ayblaysiz;

b) ularni ayblaysiz;

v) hech kimni ayblamaysiz.

11. Do‘konda to‘satdan sotuvchi sizni haqorat qildi:

a) indamaysiz, chidaysiz;

b) uning ishi ham oson emasligini aytib, uni tinchlantirasiz;

v) xuddi shunday haqorat bilan javob qaytarasiz.

12. Ishga joylashayotib:

a) maosh qanchaligini ochiqchasiga surishtira olmasdingiz;

b) boshliq bilan savdolashardingiz;

v) qulay sharoit yaratib berishlarini oshkora talab qilardingiz.

NATIJALAR:

Agar siz 1a, 2b, 3b, 4b, 5a, 6a, 7b, 8a, 9a, 10a, 11a, 12a javoblarni tanlagan bo‘lsangiz, har biriga 2 balldan, 1v, 2a, 3a, 4a, 5b, 6v, 7a, 8b, 9v, 10v, 11b, 12v javoblarning har biri uchun 1 balldan hisobingizga yozib qo‘ying.

16 va undan ortiq ball. Sizning atrofdagilar bilan munosabatlardagi shioringiz: “Men o‘z manfaatlarimdan voz kechib, sizlarning manfaatlaringizni himoya etaman”. Sizdan boshqalar o‘z maqsadlari yo‘lida osongina foydalana bilishadi.

9-15 ball. Siz, avvalo, o‘z manfaatingiz, undan so‘ng boshqalar manfaatini himoya etasiz. O‘zingizdan qaysidir maqsad yo‘lida foydalanishlariga yo‘l qo‘ymaysiz.

9 va undan kam ball. Sizni o‘zingizdan boshqa hech kim qiziqtirmaydi. Siz bilan til topishish juda mushkul.

T O L E ' N O M A

Ангелочка — Sun, 02 Aug 2009 06:11:34 GMT

QO‘Y

(21.03—20.04)

Moliyaviy ishlarda sherikchilik qilishni maslahat bermaymiz. Shu sabab faqat o‘z kuchingizga ishonganingiz ma’qul. Tasodifiy tanishuvlarda ehtiyotkor va sergak bo‘lishga harakat qiling. Oldinda ishqiy sarguzashtlar kutmoqda: oddiy do‘stona vaziyat sevgiga aylanib ketishi mumkin. Omadli kun — dushanba, juma va shanba.

BUZOQ

(21.04—21.05)

Bu hafta amalga oshishi qiyin bo‘lgan ishga qo‘l urasiz. Shu sabab ilgari uchramagan to‘siqlarni qarshi olishga majbur bo‘lasiz. Ish faoliyatingizda ikir-chikirlarni ham e’tiborsiz qoldirmaslikka harakat qiling. Omadli kunlar — chorshanba, juma va shanba.

EGIZAKLAR

(22.05—21.06)

Bu hafta irodali va sabrli bo‘lmasangiz bo‘lmaydi. Ko‘ngil dushman deganlaridek, yurakka g‘ul-g‘ula soluvchi xayollar sizni tinch qo‘ymaydi. Ammo tashvishlanishga asos yo‘q: omad va quvonch siz tomonga yon bosmoqda. Ayrim ishlarda shoshilsangiz-da, o‘zingizni yo‘qotmaslikka harakat qiling. Omadli kunlar — seshanba va shanba.

QISQICHBAQA

(22.06—22.07)

Yangi taassurot va loyihalar asosida hayotingizda katta o‘zgarishlar qilishga kirishasiz. Ish borasida ham, shaxsiy hayotingizda ham janjal va ziddiyatlardan saqlaning. E’tiborli bo‘ling, chunki hayotingizdagi katta o‘zgarishlarga arzimagan narsa turtki bo‘lishi mumkin. Omadli kunlar — dushanba, seshanba va yakshanba.

ARSLON

(23.07—23.08)

Ko‘nglingizni har xil yomon o‘ylar qamrab olishiga qaramay boshlagan ishlaringizda olg‘a siljishlarni amalga oshirasiz. Ishqiy sarguzashtlar va kutilmagan tanishuvlarda sinchkov bo‘lish bilan birga sirlilik darajasini ham saqlab qoling. Qizg‘in ishlar evaziga yaxshilab hordiq chiqarishni ham rejalashtiring.

PARIZOD

(24.08—23.09)

Hafta boshidan bel bog‘lagan muhim ishlaringizda aldanish, umidsizlik va ziddiyatli vaziyatlar ko‘p bo‘ladi. Muammoli vaziyatdan chiqishda vazminlikning o‘zi sizga yo‘l ochadi. Ish borasidagi xatti-harakatlaringizni tahlil qilib, kerakli xulosalar chiqarasiz.

TAROZI

(24.09— 23.10)

Ishqiy munosabatlardagi past-baland holatlarni yengishga harakat qiling. Ijobiy natijalar uchun sizda barcha imkoniyatlar muhayyo. Hafta so‘ngida katta o‘zgarishlar davrini boshdan kechirasiz. Xomxayollarni chetga surib, real ishlar bilan shug‘ullanish payida bo‘ling. Omadli kunlar — juma, shanba va yakshanba.

CHAYON

(24.10 — 22.11)

O‘ylagan rejangiz ko‘ngildagidek amalga oshishi uchun shijoatli bo‘lishga harakat qiling. Moliyaviy masalalarda esda qolarli holatlarga duch kelasiz. Kamtarlik va soddalikning vaqti emas, shu bois jiddiy bo‘ling. Omadli kunlar — payshanba va shanba.

O‘QOTAR

(23.11—21.12)

Hayot yo‘lingizdagi har qanday o‘zgarish ham yaxshi natija bermasligi mumkin. Shu sabab ish rejangizda keskin ijobiy burilishlar qilishga shoshilmang. Moliyaviy hujjatlarga e’tiborli bo‘lishni odatga aylantiring. Sevgi bobida ilohiy hissiyotlar hayotingizga kirib keladi. Omadli kun — shanba.

TOG‘ ECHKISI

(22.12—20.01)

Keskin harakatlar va noo‘rin tortishuvlarga aralashmang. Shunda boshlagan ishlaringizni amalga oshishi tezlashadi va ko‘zlagan maqsadingizga yetishasiz. Sevgi borasida hech kimga ishonmang, chunki o‘z maqsadlari yo‘lida aldashlari mumkin. Omadli kun — seshanba, payshanba va juma.

QOVG‘A

(21.01—19.02)

Qulay imkoniyatlar siz tomonda, faqat tanlashda adashmasangiz bas. Sizga hamkorlik yoki yangi ish taklif qilishlari ham mumkin. Shaxsiy hayotingizni yo‘lga qo‘yishda ichki sezgining o‘rni muhim, chunki turmush yo‘lingizni bog‘lashga loyiq insonni uchratasiz. Omadli kunlar — dushanba chorshanba va shanba. Og‘ir kunlar — payshanba va juma.

BALIQ

(20.02—20.03)

Imkon boricha ehtiyotkorroq bo‘ling. Oilaviy muammolarni hafta oxirigacha bartaraf qiling. Hayot quvonch va tashvishlardan iborat. Shu sabab ba’zi sinovlarga duch kelishingiz mumkin. O‘zingizni doimo ruhan tetik tutishga harakat qiling. Omadli kunlar — dushanba payshanba va shanba. Og‘ir kunlar — seshanba va yakshanba.