стилистлар таъкидига кўра, 2009 йилда ассиметрик кесилган соч турмаклари ўрнини оддийлик ва силлиқлик, бир сўз билан айтганда сиполик эгаллайди.

2009 йилда тепага «дум» қилиб йиғилган сочлар «йил турмаги»га айланиб, машҳур «боб» каре ҳам урфдан қолмаслиги кутилмоқда. Ўзини «чёлка»сиз тасаввур қила олмайдиган дугонажонларимизга «чёлкангиз текис, тўғри ва қалин бўлишига эътибор беринг», деб қоламиз. Рангларга тўхталадиган бўлсак, табиийлик барибир яхши дегувчиларга «сочларингиз рангини янгилаб олганингиз маъқул», дея жавоб қайтарамиз.  
Хуллас, бу йил фен, плойка ёки махсус воситалар ёрдамисиз ҳам сочингизни оддий қилиб йиғиштириб олган ҳолда «йилнинг энг дидли хоним»ига айланишингиз мумкин!