Май ойининг охирида «Ниҳол» мукофоти совриндори Сардор Раҳимхон Москва давлатига жўнаб кетди. У ерда ижодий ҳамкори Дмитрий Маликов сценарийси асосида «Ты для меня» қўшиғига клип суратга олинади ва бу клип Москва телеканаллари орқали намойиш қилинади. 

«Хонанда энди ижодни Россияда давом эттирармикан?» деган ҳақли савол туғилади. Хонанда билан боғланганимизда «Россияда ижодимни давом эттириш ниятим йўқ. Ўзбек санъатини бутун дунёга ёйиш олдимга қўйган энг катта мақсадим ва бу ҳамкорлик ана шу мақсад йўлидаги дастлабки қадам», деб жавоб берди у.